Астана. 6 қазан. ҚазТАГ – Жеке сот орындаушыларының республикалық палатасы (ЖСОРП) ҚазТАГ ХАА редакциясына жеңіліп көрмеген қазақстандық кәсіби-боксшы Жанқош Тұраровтың бұған дейін соққыға жығылған жеке сот орындаушысы Әділ Ермековпен әңгімесінің аудиожазбасын ұсынды.
Тұраров: Әлеке, бұл не бассыздық? Тағы да қайталаймын (бұл жерде боксшы әдепсіз сөздерді қолданған – ҚазТАГ), мен тұрғанда ешкім ештеңе істей алмайды. Мен айтып тұрмын бассыздықтарыңа бассыздық болады.
Ермеков: Бассыздық болмайды, бәрі заң бойынша.
Тураров: Апам тұратын үйді сүріп (қосалқы құрылысты сүру – ҚазТАГ) жатқандарың бассыздық емей немене? Мен ешкім қозғалмасын дедім, тек қозғалып көріңдер, көрерміз сосын. Недеп тұрсыз,Әлеке? Мұныңыз жарамайды. Біреуіңіз қозғалсаңыз, айтқаным айтқан, ұят болады, қара да тұрыңдар. Әлеке сәл күте тұрыңыз.
Үшінші дауыс: Жаппай ақпарат…
Тұраров: Жаппай ақпаратыңа мен қазір көрсетемін, шын айтамын, егер солай жасайтын болсаңдар.
Ермеков: Мен сені түсіндім.
Бұған дейін жекелеген БАҚ-қа берген сұхбатында Тұраров Ермековке қоқан-лоққы көрсеткен жоқпын деген еді, ал полиция оқиға орнында ешқандай боксшы болмады-мыс деп мәлімдеген болатын.
Редакция спортшының өзінен түсінік алуға тырысты, бірақ Тұраров қоңырауға жауап берген жоқ.
Еске салсақ, 4 қазанда Алматыда заңсыз салынған құрылысты сүру кезінде сот орындаушысы соққыға жығылған еді. Жеке сот орындаушыларының республикалық палатасының ақпарынша, оқиға куәгері болған полицейлер қашып кеткен, ал сот орындаушысына тиіскен адам оқиға болған жерге белгілі кәсіби боксшы Жанқош Тұраровты шақырған. Ол да палатада мәлімдегендей ЖСО-ын қорқытқан. 5 қазанда белгілі болғандай, бұл дерек полицияда тіркелген. Сонымен қатар белгілі болғандай, зардап шеккен сот орындаушысы Әділ Ермеков 2014 жылы теңге девальвациясына қарсы қарсылық акциясын ұйымдастырушы ретінде сотты болған. Кейін 5 қазанда Ермеков тиіскен адамды «отырғызуға» ниетті екенін видеоға жазған. Сондай-ақ сотта және ЖСОРП-да қосалқы құрылысты сүрудің заңсыз екені туралы арызды теріске шығарды.
Атап өтелік, соңғы кездері Алматыда адамдарды үйден шығару кезінде бес адамның оққа ұшқаны, оның ішінде екі полицей мен бір жеке сот орындаушысының қаза болғанынан кейін полицейлер мен ЖСО-ның сот шешімдерін орындау кезіндегі әрекеттері көп талқыланып жүр.
Жанқош Тұраров соққыға жығылған сот орындаушысына: Жаппай ақпаратыңа мен қазір көрсетемін
