«Бюджеттiк бағдарламаның шығыстары, толық («Басым дақылдардың өндірісін субсидиялау», мың теңге – ҚазТАГ): 2024 жыл - 6 200 128; 2025 жыл - 4 583 796; 2026 жыл - 14 739 625; 2027 жыл - 15 414 575; 2028 жыл - 16 426 800», - деп облыстың ауыл шаруашылығы басқармасының бюджет жобасында айтылған.
Жалпы сома – Т57 364 924 000.
Бюджеттік жобаның негіздемесі бойынша, шығыстар үстіміздегі жылы және өткен жылдың төртінші тоқсанында басымды дақылдардың тапсырылған өнімі үшін, қайта өңдеу кәсіпорнына қайта өңдеуге не өзінің қайта өңдеу құрылымдарына қайта өңдеуге берілген шығындардың ішінара өтелуіне. Алдын ала есеп бойынша 2028 жылға қарай қайта өңдеуге тапсырылған 727,9 мың тонна басым дақылдарды субсидиялауға көзделеді.
Мақсаты - басым дақылдар өндірісін дамытуды субсидиялау есебінен өсімдік шаруашылығы өнімінің өнімділігі мен сапасын арттыру. Қант қызылшасы, жүгері, майлы дақылдар бойынша ауыл шаруашылығы тауарын өндірушілерге немесе ауыл шаруашылығы кооперативтеріне қайта өңдеуге тапсырылған немесе өзінің қайта өңдеу құрылымдарына қайта өңдеуге берілген субсидиялар төлеу.
«Міндеттер: 2028 жылға қарай өңдеуге тапсырылған қант қызылшасының көлемі – 607,9 мың тонна, астыққа жүгері - 85 мың тонна, майлы дақылдар - 35 мың тонна. 2028 жылға дейін қант қызылшасының егіс алқабын 16 мың гектарға дейін және жалпы алымын 607,9 мың тоннаға дейін, астыққа жүгеріні 85 мың тоннаға дейін және 38,1 мың гектарға, майлы дақылдарды 35 мың тоннаға дейін 96,7 мың гектарға дейін ұлғайту қайта өңдеу кәсіпорнының қажеттілігін отандық өндіріс шикізатымен қамтамасыз ету», - деп жобада жазылған.
Фото көзі: pixabay.com