Жыл басынан бері Қазақстанда түрлі маркалы 83,5 млн тонна көмір өндірілді

Күні: 13:24, 11-10-2018.

Астана. 11 қазан. ҚазТАГ – Жыл басынан бері Қазақстанда түрлі маркалы 83,5 млн тонна көмір өндірілді, деп хабарлады ҚР ИДМ баспасөз  қызметінен.  
«Биылғы жылдың 8-қазанында көмір өндіру және тасымалдау туралы деректерге сәйкес, жыл басынан бері еліміздің көмір өндіруші кәсіпорындары түрлі маркалы 83,5 млн. тонна көмір өндірді. Бұл 2017 жылдың сәйкес кезеңімен салыстырғанда 5,7% (4,48 млн. тонна) артық», - делінген бейсенбіде министрлік сайтында жарияланған хабарда.  
Хабарда нақтыланғандай, көмір өндіретін кәсіпорындардың қоймаларындағы қорды есептегенде жыл басынан бері 79,2 млн. тонна көмір тиеліп, жөнелтілген. Бұл 2017 жылдың сәйкес кезеңімен салыстырғанда (78,2 млн. тонна) 965 мың тонна артық.
«Бүгінгі таңда көмір тасымалдауға 29 мың вагон жұмылдырылып отыр. Соның ішінде коммуналдық-тұрмыстық көмір тасымалы үшін 9 мыңға жуық вагон бөлінген. Бұл түскен тапсырыс көлемін тасымалдауды толық қаматамасыз етеді. Сондай-ақ, тасымалдауды қамтамасыз етуде жылжымалы құрамның жетіспеушілігін болдырмау үшін ірі көмір кендеріне тиісті вагондар паркі бекітілді», - делінген хабарда.


Жаңалықтармен бөлісу: