Алматы билігі өз адамдарына баспасөз клубының ғимаратын қалай білдірмей беріп жібермек

Күні: 16:17, 28-12-2018.

Алматы. 28 желтоқсан. ҚазТАГ – Біздің редакция соңғы екі жылда қамауға алынған нысандарды сату және аукционға шығарумен байланысты хабарландыруларды мұқият бақылап келеді. Бізді әсіресе Есіл сотының төрағасы А.Құрмантаевтың үкімімен заңсыз тәркіленген Алматыдағы баспасөз клубының ғимараты алаңдататын. Көптеген мақаланың бұл батырсымағы Сейтқазы мен Әсет Матаевтардың сотынан кейін жарты жыл өткенде саунада жеңіл жүрісті әйелдермен ішіп отырған жерінде ұсталып, жұмысынан айқай-шумен қуылды. Көп ұзамай Сейтқазы бостандыққа шығып, қайтадан Қазақстан Журналистер одағының төрағасы болып тағайындалды, әкесінің артынан ҚазТАГ ақпараттық агенттігі басшыларының бірі Әсет те отбасына оралды.
Баспасөз клубының ғимараты бойынша ешқандай ақпар болған жоқ, ешкім оның тағдырының қандай болатынын болжап біле алмады. Оның үстіне оны бұзғаннан кейін қызығатын түрі де қалмаған еді. Алматы МСҚБ тапсырыс берген шағымынан кейін оның жоғары екі қабатын мәжбүрлі түрде бұзды, барлық коммуникациясын ажыратып тастады. Клуб алдындағы кіретін алаңды жауып, қырлы тастар қойды, келемеждегендей түсініксіз металл бағана орнатқан.
Қитұрқы істердің не түнде, болмаса күндіз жасырын жүзеге асырылатыны белгілі, ал Қазақстанда, қалыптасқан әдет бойынша, мереке алдындағы және көп демалыс күндері бар мереке күндері орын алып жатады. Біздің ойымыз алдамады: өтіп бара жатқан жылдың соңғы аптасында баспасөз клубының ғимаратын сату туралы хабарлама шықты. Біз оның сатылуы бойынша белгіленген күнді көргенде де таң қалмадық – 2019 жылы 4 қаңтар сағат 10.00. Сатушы ретінде Алматы қ. мемлекеттік мүлік және жекешелендіру департаменті шықты, ал әлеуетті сатып алушы белгісіз. Бейхабар адамдар ол туралы тек болжам жасаулары мүмкін, ал біздің дерек көзінің ақпарынша, онымен барлығы келісілген және электронды сауда нотасы секілді ойнататын екінші қатысушы да бар.
Дегенмен бір «бірақ» дегені бар екені және оның айтарлықтай екені аталып өтілген еді. Негізі екі қабатты ғимарат аукционға төрт қабатты ғимарат ретінде қойылған. Барлық құжат бойынша, әр қабаттың бөлшектік жоспарын, техникалық құжатын және басқа да құжаттарын қоса алғанда, аукционға 4 (төрт) қабатты ғимарат қойылған. МСҚБ тапсырыс берген шағымы бойынша соттың екі қабатты мәжбүрлеп сүру туралы шешімі бар, сондай-ақ Алматы әділет департаментінің сот орындаушысының соттың 3 және 4 қабатын сүру туралы шешімінің орындалуына байланысты баспасөз-клубының басшылығына қатысты орындаушылық өндірісті тоқтату туралы қаулысы да бар.
Сонда мынадай сұрақ туындайды: бұрмаланған мәліметтермен және жалған құжаттармен бұл аукционның өтуіне кім мүдделі және кім өткізіп жатыр оны? Бұл тапсырыс беруші – Алматы қ. меммүлік және жекешелендіру департаментінің басшысы Емберген Құдайбергенов, «ViCON – Aprraisal» ЖШС бағалау директоры Надежда Проничева және оның орынбасары – Валерий Жеба. Алғашқы екеуі бағалауды өткізу туралы шартқа қол қойған, ал соңғысы оны жүзеге асырып, тапсырыс берушінің қатысуымен нысанды егжей-тегжейлі қараған-мыс, бірақ оның қолы актіде болмай шықты. Ресми қағаз бойынша аукционға төрт қабат қойылған, ал қоса тігілген суретте тек екі қабат қана бар. Бұл жерде алдау, жалғандық жоқ. Алдағы аукционның барлық құжаттары редакцияның иелігінде жатыр. Оларды сондай-ақ, саудалардың мемтізілім порталында да ашық көруге болады.
Атап өтелік, аукционды әзірлеу барысында қазақстандық заңнаманың бірқатар нормалары бұзылған. Қызмет бабында жалған құжат жасау да көзге ұрып тұр, яғни мемлекеттік қызметті атқаруға өкілетті тұлға әдейі жалған мәліметтер енгізген, сондай-ақ қамауға алынған немесе тәркілеуге жататын мүлікке қатысты заңсыз әрекет жасаған. Екі жағдайда да бас бостандығынан айыруға дейін қылмыстық жауапкершілік қарастырылған. .
Бұл мақаланы «ҚазТАГ» халықаралық ақпараттық агенттігінің редакциясы ресми сауал деп санайды және ҚР бас прокуроры, елдегі заңнаманың сақталуын қадағалаушы жоғары орган басшысы Қайрат Қожамжаровқа, ҚР қаржы министрі, меммүлік және жекешелендіру комитеті бағынатын Алихан Смаиловқа, «Кәсіби бағалаушылардың елордалық палатасы» президиумының төрағасы О.Н. Яковлеваға бұзушылықтарды анықтау және Қазақстан Республикасының заңнамасына сәйкес шара қабылдау үшін жолдайды.


Жаңалықтармен бөлісу: