Астана. 25 сәуір. ҚазТАГ – Алдағы уақытта азаматтардың мүлкін сақтандыру жүйесін одан әрі жетілдіру жолдарын қарастыруымыз қажет, деп есептейді Қазақстан президенті Қасым-Жомарт Тоқаев.
«Біз алдағы уақытта азаматтардың мүлкін сақтандыру жүйесін одан әрі жетілдіру жолдарын қарастыруымыз қажет. Дамыған елдерде алапат апаттан келген шығынның басым бөлігін сақтандыру компаниялары өз мойнына алады. Әрине, ол үшін экономика мен қаржы жүйесін одан әрі дамытып, қоғамда тиісті мәдениет қалыптастыру керек», - деді Тоқаев бейсенбідегі Қазақстан халқы Ассамблеясының ХХХІІІ сессиясында.
Президент атап өткендей, халықтың әл-ауқатын арттыру мемлекеттің басты міндеті болып қала береді.
«Әділетті Қазақстанды құру тұжырымдамасы – құр сөз емес, нақты жүзеге асырылып жатқан шаруа. Ол үшін нақты шаралар қабылданып, жаңа мүмкіндіктерге ұдайы жол ашылып жатыр. Мысалы, менің Ұлттық құрылтайдың үшінші отырысындағы 4 инфрақұрылымдық бастамамның аясында 1 мамырдан бастап «Наурыз» атты жаңа ипотека бағдарламасы іске қосылады. Оны іске асыруға 8 жыл ішінде 1,7 триллион теңге жұмсалады. Соның нәтижесінде 70 мыңға жуық отбасы баспаналы болады», - деп толықтырды Тоқаев.
Қатысты сілтемелер
-
Бишімбаев соңғы сөзінде Гитлердің сөзін келтірді6 Мамыр 2024, 14:03
-
Агроөнеркәсіптік кешен жобаларын қаржыландыру үшін «Бәйтерекке» Т100 млрд бермек6 Мамыр 2024, 12:17
-
Бағдат Мусин шән мәнісінде отставкаға жіберілген болатын – дерек көзі6 Мамыр 2024, 11:42