Қазақстан СІМ Украина елшісіне орыстар туралы мәлімдемесіне байланысты қарсылық білдірді

Астана. 24 тамыз. ҚазТАГ – Қазақстан Республикасы Сыртқы істер министрлігі орыстар туралы мәлімдемесіне қатысты Украина елшісі Петр Врублевскийге қарсылық білдірді, деп хабарлады ведомствоның баспасөз қызметінен.
«Кездесу барысында Елшіге ү.ж. 21 тамызда қазақстандық блогер Диас Құзайырға берген сұхбатында айтқан мәлімдемелеріне байланысты наразылық білдірілді», - делінген дүйсенбідегі хабарда.
Врублевскимен министрдің орынбасары Ермұхамбет Қоныспаев кездескен еді.
«Қазақстан тарапы мұндай мәлімдемелердің шет мемлекет елшісінің қызметіне сай келмейтіндігі және қолайсыздығы туралы ұстанымын білдірді. Мұндай іс-қимылдар мемлекеттер арасындағы достық қатынастарға нұқсан келтірмеуге тиіс», - деп атап өтті баспасөз қызметінен.
Бұған дейін Қазақстан Халқы ассамблеясы украиналық елші тарапынан орыстарға қатысты айтылған мәлімдемеге қарсылық білдірген еді.