«Қаланың 98 млрд теңге сомасына жергілікті бюджетін нақтылау өткен жылдан бергі бос қалдықтарды пайдалану және бюджеттік бағдарламалар әкімшілері арасында бюджет қаражатын ішкі қайта бөлу есебінен жүргізілетін болған. Сонымен қатар, Алматы әкімі Ерболат Досаевтың тапсырмасы бойынша фестивальдар, форумдар мен түрлі имидждік іс-шараларды өткізуге шығындар қысқартылды», – деп хабарлады жұма күні Алматы әкімдігінің баспасөз қызметі.
Қаржы басқармасының басшысы Қанат Сухамбековтың айтуынша, әлеуметтік салаға 2024 жылғы бюджет шығыстарының 31% бағытталуда-бұл 30,4 млрд теңге.
«Білім беру саласына 20,8 млрд теңге қарастырылған, ол 13 мектепке инженерлік-коммуникациялық инфрақұрылым мен талшықты-оптикалық байланыс желілерін салуға, Шұғыла ш/а туберкулездің белсенді емес түрімен ауыратын балаларға арналған санаторий үлгісіндегі жатақханасы бар 340 орындық жаңа мектеп салуға, Алматы телекоммуникация және машина жасау колледжін жаңартуға, сондай-ақ №58, 73, 83 мектептерді және республикалық физика – математика мектебінің ғимаратын реконструкциялауға арналған», – деді Сухамбеков .
Одан басқа, Бұдан бөлек, Алмалы, Бостандық, Алатау және Медеу аудандарындағы 5 мектепті күрделі жөндеумен сейсмикалық күшейтуге қосымша 2,7 млрд теңге жұмсалуы тиіс. Наурызбай ауданындағы Шұғыла, Құрамыс шағын аудандарында әрқайсысы 320 орындық 2 балабақша құрылысы жалғасады.
«Денсаулық сақтау саласында ұзақ уақыт ішінде алғаш рет 11 нысанға күрделі жөндеу жүргізілетін болады. Бұл мақсаттарға бюджеттен 5,6 млрд теңге қарастырылған. Мәдениет және спорт саласын дамытуға 3,3 млрд теңге қарастырылған», - деп түйіндеді сөзін Алматы қаласы қаржы басқармасының басшысы.
Фото көзі: Пресс-служба Акорды