Алматыда қисайған үйдің тұрғындары өртке қарсы гидранттың жарылғанының дәлелін ұсынды

Күні: 11:03, 12-12-2019.

Алматы. 12 желтоқсан. ҚазТАГ - Алматыда қисайған үйдің тұрғындары өртке қарсы гидранттың жарылғанының дәлелін ұсынды, деп хабарлады агенттік тілшісі.
«Құзырлы тұлғаның бүгінгі жағдайдың «себептерінің бірі болуы мүмкін» деген гидранттың жарылуының дәлелі табылды», - деп жазды сәрсенбіде «Зерделі-6» (бұрынғы «Алғабас ықшамауданы) ықшамауданының №179 көпқабатты үй тұрғыны Әсем Сыдықова.
Ол өз ақпарына өртке қарсы гидранттың жарылуының бейне жазбасын тіркеген.
Бұған дейін хабарланғандай, «Зерделі» ықшамауданындағы үйдің қисаю қаупі анықталмады. Алматы әкімдігінің баспасөз қызметі 11 желтоқсанға қараған түні №179 үй тұрғынының өтініші жайлы қалалық орта басқармасының мамандары оқиға орнына барған.
«Сырттай қарағанда үйдің қауіп төндірерліктей қисаймағаны анықталды. (…) 11 желтоқсанда «Алматыбасжоспар» ҰЗИ мамандары үйге бұған дейін салынған белгіні нивелирлеу шарасын жүргізді. Оның нәтижесінде де қауіпті ауытқушылық байқалмады. Ай сайын әр үйге салынған «маяктарды» нивелирмен тексеру жүргізіледі. Соңғы рет нивелирлеу ағымдағы жылдың 12 қарашасында жүргізілді. Ауытқушылық байқалмады. Топырақ жағдайы зерттелгеннен кейін «ҚазҚСҒЗИ» мамандарының қорытындысы алынады, онда үйдің іргетасын нығайту бойынша ұсынымдар беріледі», - делінген сәрсенбіде Зерделі (бұрынғы Алғабас ықшамауданы) ықшамауданындағы жағдай туралы хабарда.
Кейін Алматы ТЖ департаментінен хабарлағандай, Алматыдағы қисайған үйдің өртке қарсы гидранты бұзылмаған.
«Алматы ТЖ департаменті қызметтік тексеру жүргізді, соның нәтижесі бойынша 2019 жылдың 18 сәуірінде Алматы ТЖД «Өрт сөндіру қызметі және апаттық-құтқару жұмыстары» МБ №2 мамандандырылған өрт сөндіру бөлімінің өрт сөндірушілері аудандық «Алматы су» ШЖҚ РМК эксплуатациялық учаскесі өкілімен бірге Алатау ауданы «Зерде-6» ықшамауданында №1/179 үйдің жанындағы өртке қарсы гидрантқа жоспарлы тексеру жүргізді. Тексеру нәтижесі бойынша өртке қарсы гидрантта ақау болмаған, гидранттан су тамшыламаған, ол туралы ортақ акті де толтырылды, оған «Алматы су» ШЖҚ РМК мен өрт сөндіру қызметінің өкілдері қол қойған. Сонымен қатар, департаменттен хабарлағандай, «тексеріс жүргізілген сәттен бастап (18 сәуір) №1/179 үй маңындағы өртті сөндіруге және өрт сөндіруші техникаға су құюға арналған гидрант қолданылмаған, Алматы ТЖД-ға өртке қарсы гидранттың бұзылғандығы туралы хабар келіп түспеген. Сонымен, өртке қарсы гидранттың бұзылғандығы туралы ақпар да шындыққа жанаспайды», - деді департаменттен.
Еске салсақ, 10 желтоқсанда ҚазТАГ ХАА хабарлағандай, үй 2013 жылы «Тұрғынүйқұрылысжинақбанкі» арқылы мембағдарлама бойынша «Жас отбасыларға» пайдалануға берілген. Көршілер бірнеше күн бұрын үйдің қисайғанын байқаған. Мұнда 72 отбасы тұрып жатыр. Үй тұрғындары қол жинап, апатты қызметке хабарласқан, Open Almaty-ға да хабарласқан және сейсенбі күні сандық QR-код алған, ол өтініштің қабылданғанын растайды, алайда ешкім оларды әзірге қауіпсіз жерге көшірмеген. Тұрғындардың айтуынша, үйдің қисаюына коммуналдық апат себеп болуы мүмкін – үйдің артында өртке қарсы гидрант бар. Тұрғындардың айтуынша, жазда өрт сөндірушілер келіп, ашып, сындырып алды ма, білмейді. Гидрант жаз бойы тамшылап тұрған. Тұрғындар ПИК-ке қоңырау шалған, сонда су осы үйдің астына қарай сіңген болып шықты. Бұлар ПИК-ке хабарласқан. Нәтижесінде, тұрғындардың айтуынша, нақ сол су сіңген жақтың қисайғаны белгілі болған.


Жаңалықтармен бөлісу: