Алматы. 26 қазан. ҚазТАГ – Алматыда Қазақстан Журналистер одағында соңғы кезде өмірден өткен қазақстандық журналистерді еске алу акциясы өтті. Ол ЮНЕСКО аясында мәдениеттерді жақындастыру халықаралық орталығымен бірге Дүниежүзілік ақпарат күні аясында өтті. Журналистерді еске алу акциясына белгілі ақын, қоғам қайраткері Олжас Сүлейменов те қатысты.
Ол атап өткендей, 1972 жылы БҰҰ Бас Ассамблеясы Дүниежүзілік даму туралы ақпарат күнін белгілеу туралы қаулы етті. Ассамблея тағы да Біріккен Ұлттар Ұйымының құрылған күнімен тұспа-тұс болуы керек деп белгіледі – 24 қазанда. БҰҰ Бас ассамблеясы ақпаратты таратуды және қоғамдық пікірді жұмылдыруды дамыту, әсіресе жастар арасында даму проблемасын жете түсінудің маңызды факторы болып табылады. Даму арқылы озық және барынша тұрақты болашақ қалыптастыру біз кездесіп отырған жаһандық проблемаларды шешуді білдіреді, ол дегеніңіз кедейшілік, теңсіздік, климаттың өзгеруі, қоршаған ортаның нашарлауы, бейбітшілік пен іділдік, деп баса айтты Олжас Сүлейменов.
Осы мақсаттарға Қазақстандағы журналистік корпус, оның ішінде ақпарат жариялап, оны таратқан, өкінішке орай мезгілінен бұрын өмірден өткен бұқаралық ақпарат құралдарының өкілдері де ықпал етеді.
«Біз олардың ел мен қоғамның дамуына қосқан зор үлестерін есте сақтауымыз керек», - деп атап өтті Қазақстан Журналистер одағы басқармасының төрағасы Сейтқазы Матаев.
Сосын ол, өмірден өткен журналистердің есімдерін атап, бір минут үнсіздікпен еске алуды сұрады.
Одан кейін журналист Иван Хромовтың жесірі Валентина Хромова, қазақстандық журналистика ардагері Гүлжан Ерғалиева, Назым Байжанова, 90 жылдардағы Қазақстан Журналистер одағы төрағасының қызы, «Новая газета – Казахстан» бас директоры Александр Краснер, Алматы қаласының қоғамдық кеңесінің мүшесі, журналист Сергей Пономарев сөз алды. Олар өмірден өткен журналистерді еске алу акциясын қолдады және оны жыл сайын дәстүрлі түрде атап өтуді ұсынды.
Алматыда өмірден өткен журналистерді еске алу акциясы өтті
