Алматы. 7 сәуір. ҚазТАГ – Қазақстан мен Қытай шекарасында магнитудасы 3,4 балдық жер сілкінісі болды, деп хабарлады қазақстандық сейсмологтар.
«ҚР БҒМ ҒК СТӘЭ» ММ сейсмикалық станциялар желісімен 2020 жылғы 7 сәуірде Астана уақытымен 03сағ. 29 мин. 42 сек. (Гринвич уақытымен 6 сәуір 21 сағ. 29 мин. 42 сек.) жер сілкінісі тіркелді. Жер сілкінісінің ошағы Алматының солтүстік-шығысында 357 км (Талдықорғаннан шығысқа қарай 154 км. жерде Қазақстан мен Қытай шекаралық ауданында) жерде Қазақстан аумағында орын алды. Жерсілкініснің энергетикалық класы 8,6. Магнитудасы MPV 3,4», делінген жұмада таратылған хабарда.
Хабарда нақтыланғандай, жел сілкінісі ошағының координаттары 45.13° с.б. 80.48° ш.е., тереңдігі 25 км.
Хабарда атап өтілгендей, сезілгендігі туралы (МSК-64 шкаласы бойынш) ақпар жоқ.
Қазақстан мен Қытай шекарасында магнитудасы 3,4 балдық жер сілкінісі болды
