Түркістан. 4 желтоқсан. ҚазТАГ - Түркістан облысында бұрын сотталған адам балаларды тонады деген күдікке ілінді, деп хабарлады облыстық полиция департаментінің (ДП) баспасөз қызметі.
«Екі жергілікті тұрғын Кентау қаласының полиция бөліміне түнгі сағат 22.00 шамасында қала көшелерінің бірінде физикалық күш қолданамыз деп қорқытып, қарақшылар балалардан екі ұялы телефонды күшпен тартып алып, белгісіз бағытқа қашып кеткендігі туралы арызбен жүгінді. Жәбірленушілерге келтірілген залалдың жалпы сомасы 100000 мыңнан асты », - делінген жұмада таратылған хабарламада.
ҚР Қылмыстық кодексінің 191-бабы (тонау) бойынша сотқа дейінгі тергеу басталды.
«Күні бойы ізін суытпай іздестіру арқасында екі күдікті тұрғылықты жерінде ұсталды. Екеуі де жергілікті тұрғындар болып шықты, олардың бірі бұрын ұрлық жасағаны үшін сотталған. Полиция ұсталғандардан ұрланған телефондарды тартып алып, заңды иелеріне қайтарып берді. Қазіргі уақытта тонау фактісі бойынша сотқа дейінгі тергеу амалдары жүргізілуде. Тергеу барысында күдіктілердің басқа да осыған ұқсас қылмыстар жасауға қатысы бар екендігі анықталды », - деп қосты ДП.
Бұрын сотталған адам Түркістан облысында балаларды тонады деп күдіктелуде
