Астана. 5 тамыз. ҚазТАГ – Польшадағы халықаралық түрнирде қазақстандық күресшілер тағы үш медаль қанжығалады, деп хабарлады ҚР Ұлттық олимпиада комитетінің (ҰОК) баспасөз қызметінен.
«4 тамыз күні Варшавада еркін күрестен Вацлав Циолковскийді еске алуға арналған халықаралық турнир аяқталды. Соңғы жарыс күнінде Нұрғожа Қайпанов күміс жүлдегер атанды. 70 келіде белдескен Қайпанов ақтық айқаста түркиялық Хайдар Явузға есе жіберді. Сондай-ақ, бүгін кілемге шыққан спортшылар арасында Саятбек Оқасов пен Дәулет Ниязбеков қола жүлдегер атанды. Екі балуан да 65 келіде ел намысын қорғаған болатын», - деп хабарлады дүйсенбіде ҰОК-нен.
Бұған дейін Циолковский мемориалында Нұрислам Санаев (57 келі), Расул Қалиев (61 келі), Ғалымжан Өсербаев (79 келі), Нұрғали Нұрғайыпұлы, Ералы Әбдірашев (92 келі) және Әлішер Ерғали (97 келі) жеңіс тұғырына көтерілді. Осылайша, еркін күрестен Қазақстан командасы Польшадағы халықаралық турнирден 9 медаль жеңіп алды.
Польшадағы халықаралық түрнирде қазақстандық күресшілер тағы үш медаль қанжығалады
