Астана. 20 ақпан. ҚазТАГ – ҚР білім және ғылым министрлігінің (БҒМ) мектепке дейінгі және орта білім комитетінің жаңа төрайымы тағайындалды, деп хабарлады ҚР премьер-министрінің баспасөз қызметінен.
«Майра Тұрғанбайқызы Мелдебекова ҚР Білім және ғылым министрлігінің Мектепке дейінгі және орта білім комитетінің төрайымы болып тағайындалды», - делінген бейсенбідегі хабарда.
Майра Мелдебекова 1993-2005 жылдары Шымкент қ., Алматы және Шығыс Қазақстан облыстарының орта мектептерінде қазақ тілі, математика және информатика пәндерінің мұғалімі болып жұмыс істеген. 2005-2018 жылдары ҚР Білім және ғылым министрлігінің жүйесінде басшылық қызметтерді атқарған. 2018 жылдан бастап Қызылорда облыстық білім басқармасының басшысы қызметін атқарды.
ҚР БҒМ мектепке дейінгі және орта білім комитетінің жаңа төрайымы тағайындалды
