Астана. 25 қараша. ҚазТАГ – Қазақстанның білім және ғылым министрлігінің «Ұлттық тестілеу орталығы» РМКК бұрынғы директоры Рамазан Әлімқұлов 3,5 жылға бас бостандығынан айырылды, деп хабарлады сыбайлас жемқорлыққа қарсы қызметтен.
«22 қарашада Нұр-Сұлтан қаласының қылмыстық істер жөніндегі мамандандырылған ауданаралық сотының үкімімен Әлімқұлов пара алды деп айыпталып, 3,5 жыл бас бостандығынан айырылды. Аталған тұлға мемлекеттік қызметте лауазым иелену құқығынан өмір бойына айырылды», - делінген дүйсенбіде таратылған хабарда.
Еске салсақ, Әлімқұлов қонақ үй қызметін көрсету бойынша шарттарды бұзбағаны, орындалған жұмыс актілеріне кедергісіз қол қойғаны, жүгенсіздікке жол бергені және жалпы қамқорлығы үшін 5 млн теңге сомасында пара алды деп күдіктелген.
ҚР Ұлттық тестілеу орталығының экс-басшысы 3,5 жылға бас бостандығынан айырылды
