ҚР СІМ шетелдік лаңкестердің тәртіпсіздіктерге қатысуының дәлелдерін көрсетуге уәде берді

Күні: 13:11, 21-01-2022.

   Астана. 21 қаңтар. ҚазТАГ-Қазақстанның сыртқы істер министрі Мұхтар Тілеуберді шетелдік лаңкестердің тәртіпсіздіктерге қатысуының дәлелін жариялауға уәде берді.
   "Шын мәнінде 20 мың террорист Алматыда ғана болған, бірақ егер біз бір мезгілде шабуылға ұшыраған барлық 11 өңірді есепке алсақ, олардың саны одан да көп болды. Жоғарыда айтып өткенімдей, біз тергеу нәтижелерін және олардың лаңкестер тобы екендігі туралы дәлелдерді жариялаймыз", - деді Тілеуберді France 24-ке берген сұхбатында.
Сонымен бірге ол шабуыл жасағандардың кейбірі орысша да, қазақша да сөйлемеген деп сендіреді.
   "Біздің отандастар, достарымыз айтқандай, қарулы белсенділердің арасында қазақша да, орысша да сөйлемейтін адамдар болған. Олар әртүрлі Азия тілдерінде сөйледі. Кейбір лаңкестер қазақ тілінде қатты екпінмен сөйледі, бұл қазақ тілі олардың ана тілі емес, оны үйренді дегенді білдіреді. Мұның бәрі лаңкестердің арасында шетелдіктердің бар екендігінің дәлелі", - дейді Тілеуберді.


Жаңалықтармен бөлісу: