Шығыс Қазақстан және Қостанай облыстарында бейсенбі күні күн күркірейді, үсік жүреді және жел күшейеді

Күні: 16:20, 22-05-2019.

Астана. 22 мамыр. ҚазТАГ –Шығыс Қазақстан және Қостанай облыстарында бейсенбі күні күн күркірейді, үсік жүреді және жел күшейеді, деп хабарлады «Қазгидромет» РМК баспасөз қызметінен.
«23 мамырда Шығыс Қазақстан облысында жауын-шашын (жаңбыр, жылбысқы қар), кей жерлерде найзағай, дауыл, бұршақ күтіледі. Батыстан cоғатын жел солтүстік-батысқа ауысып кей жерлерде 15-20 м/с жетеді. Түнде 23 мамырда кей жерлерде 2 градус үсік күтіледі. Өскемен қ.: 23 мамырда найзағай күтіледі, батыстан cоғатын жел солтүстік-батысқа ауысып күндіз екпіні 15-20 м/с дейін жетеді. Семей қ.: 23 мамырда найзағай күтіледі, батыстан cоғатын жел солтүстік-батысқа ауысып күндіз екпіні 15-20 м/с дейін жетеді», - делінген сәрсенбіде таратылған дауылды ескертуде.
Сонымен қатар, 23 мамырда Қостанай облысының таңертен және күндіз кей жерлерінде найзағай, оңтүстік-батыстан жел соғады, күндіз екпіні 15-20 м/с күтіледі. Қостанай қ: күндіз 23 мамырда оңтүстік-батыстан жел соғады, екпіні 15-20 м/с күтіледі.
Дауылды ескертудің ықтималдығы 90-95%.


Жаңалықтармен бөлісу: