Сириядан қайтарылған 14 қазақстандық терроризм бойынша айыпталуда

Күні: 11:59, 17-10-2019.

Астана. 17 қазан. ҚазТАГ – Сириядан қайтарылған 14 қазақстандық терроризм бойынша айыпталуда, деп хабарлады ҚР ұлттық қауіпсізідк комитетінің баспасөз қызметінен.
«Тергеу нұсқасы бойынша Сирия жағдайында ДАИШ-тің бір жасағында болған тағы да 14 азаматқа қатысты қылмыстық істі тергеу аяқталды. Оларға террористік әрекетке қатысты, әрекетке тартты және терроризмді насихаттады, сондай-ақ өзге де ауыр қылмыстар жасады деген айып тағылды. Қылмыстық іс материалдары Нұр-Сұлтан қаласының мамандандырылған ауданаралық қылмыстық істер бойынша сотына берілді», - делінген бейсенбідегі хабарда.
Ведомствода атап өткендей, ұлттық қауіпсіздік комитеті өзге мемлекеттік органдармен және шетел серіктестерімен бірлесіп, «Жусан» операциясы шеңберінде Сириядан 595 Қазақстан азаматын қайтарды, оның арасында төрт жүзден астамы балалар..
«Қайтарылған адамдардың ішінде 10 ер адам мен 5 әйел Қазақстанда тыйым салынған/ ДАИШ халықаралық террористік ұйымының әрекетіне қатысу фактісі бойынша әртүрлі мерзімдерге бас бостандығынан айыруға сотталды», - делінген хабарда


Жаңалықтармен бөлісу: