Астана. 26 сәуір. ҚазТАГ – Алдағы үш тәулікте Қазақстанда тұрақсыз ауа райы күтіледі, деп хабарлады «Қазгидромет» РМК баспасөз қызметінен.
«27 сәуірде еліміздің басым бөлігі жоғары атмосфералық қысым алқабының ықпалында болады, жауын-шашынсыз ауа райы күтіледі. 28-29 сәуірде атмосфералық фронтальды бөліктердің әсерінен Қазақстанның басым бөлігінде жаңбыр, найзағай күтіледі, 28 сәуірде оңтүстікте, 29 сәуірде солтүстік-батыста және солтүстікте қатты жаңбыр жауады, бұршақ жаууы мүмкін, 29 сәуірде түнде республиканың оңтүстік-шығысындағы таулы аймақтарда жауын-шашын жаңбыр мен қар түрінде болады», - делінген жұма күні таратылған 27-29 сәуірге арналған ауа райы болжамында.
Қазақстан бойынша жел күшейеді, оңтүстікте және оңтүстік-батыста шаңды дауыл соғады деп күтілуде.
«Температуралық фонға келетін болсақ, жалпы алғанда күндізгі температураның біртіндеп жоғарылауы күтілуде, алайда 27-28 сәуірде түнде еліміздің солтүстік жартысында термометрлер 1-8 градус аязға дейін жетеді», - деп нақтылады синоптиктер.
Алдағы үш тәулікте Қазақстанда тұрақсыз ауа райы күтіледі
