Алматы. 21 қазан. ҚазТАГ – Эко-бекеттен жоғары жақтағы Алма-Арасанда өрт сөндіріліп жатыр, авиация да әзірленді, деп хабарлады Қазақстан төтенше жағдайлар министрлігінің баспасөз қызметінен.
«2020 жылғы 21 қазанда сағат 5:46-да Алматы ТЖД табиғи өрттерге шұғыл ден қою жиынтық жасағы эко-бекеттен жоғары жақтағы Алма-Арасан шатқалына жоғары шақырту бойынша жіберілді. Кірме жолдардың болмауына байланысты жасақ жаяу жүрді. Келген бойда таудың бас жағында 1,5 га алаңда қураған ағаштар мен шыршалар өртенді», - деп хабарлады ТЖМ ресми өкілі Талғат Уәли сәрсенбі күні.
Ол нақтылағандай, оқиға орнында солтүстік, оңтүстік-шығыс және батыс жағында 3 өрт сөндіру учаскесі орналастырылды.
«Өрт «Ермак» аспалы жылжымалы өрт сөндіргішпен және қарапайым аспаптармен сөндірілді. Қабылданған шаралардың арқасында оңтүстік-шығыс және батыс жағында өрт сағат 08: 02-де, ал солтүстік жағында сағат 08:31-де оқшауланды. Өртті сөндіруге Алматы қаласы және Алматы облысы ТЖД, Іле-Алатау МҰТП, Қазавиаорманкүзетінен 71 қызметкер мен 16 бірлік техника жұмылдырылды. Қазіргі уақытта жекелеген өрт ошақтарын төгу және минералданған жолақтарды жасау жұмыстары жүргізілуде. Орман алқабы қорғалды», - деді Уәли.
Қатысты сілтемелер
-
Жұма күні Қазақстанның басым бөлігінде жауын-шашынды, жел тұрады деп күтілуде26 Сәуiр 2024, 08:42
-
Тоқаев Қытайдың қорғаныс министрін қабылдады25 Сәуiр 2024, 17:48
-
Тоқаев жаңа бизнес-омбудсменді тағайындады25 Сәуiр 2024, 17:23