Астана. 5 желтоқсан. ҚазТАГ – ҚР білім және ғылым министрлігі (БҒМ) ҚР ауыл шаруашылық министрлігіне (АШМ) Қазақстандағы ауыл шаруашылық саласы үшін грант көлемін анықтау функциясын береді, деп хабарлады ҚР АШМ баспасөз қызметінен.
«ҚР Білім және ғылым министрлігінің ауыл шаруашылығы мамандықтары бойынша білім беру гранттарының көлемін анықтау жөніндегі функциялары Ауыл шаруашылығы министрлігіне беріледі. Бұл өзгерістер 2019 жылғы 28 қазанда Мемлекет басшысы қол қойған «Қазақстан Республикасының кейбір заңнамалық актілеріне агроөнеркәсіптік кешенді мемлекеттік реттеу мәселелері бойынша өзгерістер мен толықтыру енгізу туралы» Заңына сәйкес жүзеге асырылады. ҚР Білім және ғылым министрлігінің жоғары және орта арнаулы оқу орындарындағы ауыл шаруашылығы мамандықтары бойынша мамандар даярлауға арналған мемлекеттік білім беру тапсырыстарының көлемін анықтау, оларды бөлу мен орналастыру бағытындағы құзіреттері ҚР Ауыл шаруашылығы министрлігіне беріледі. (…) Жоғарыда аталған Заңның білім беру гранттарына қатысты өзгерістер мен түзетулер енгізілген нормалары 2020 жылғы 6 қаңтардан бастап өз күшіне енеді», - делінген бейсенбде таратылған хабарда.
Ауыл шаруашылық министрлігі «қабылданған бұл өзгерістер саладағы мамандарды дайындауда мемлекеттік тапсырысты нақты қалыптастыруға, қаржыландыру көлемін дұрыс анықтауға, сапалы кадрларды даярлайтын жоғары оқу орындарын әділетті түрде іріктеуді жүргізуге және мамандықтар бойынша гранттарды дұрыс бөлуге мүмкіндік береді» деп санайды.
Естеріңізге сала кетсек, «Қазақстан Республикасының кейбір заңнамалық актілеріне агроөнеркәсіптік кешенді мемлекеттік реттеу мәселелері бойынша өзгерістер мен толықтыру енгізу туралы» Заңы еліміздегі агроөнеркәсіптік кешен саласындағы заңнаманы жетілдіру мақсатында қабылданған. Онда Қазақстан Республикасының 13 кодексі мен 29 заңына 800-ден аса түзетулер енгізу қарастырылған.
БҒМ АШМ-ға ҚР ауыл шаруашылық саласы үшін грант көлемін анықтау функциясын береді
